الله يسعده من دكتور يعامل الطلاب مثل اولاده و يساعد كثير
التقييم بدون تعليق
محاضرة طويلة و ثقيلة
حتى لو مالك ماده عنده روح واحضر عنده اقسم بالله خلوق بشكل مو منطقي محترم ومتعاون يدرسك صح ويشرح على السبوره الرجال يخاف الله فعلاً في اسلوبه واخلاقه وتدريسه وتصحيحه واختبارته اختباراته سهله جداً وعلى تدريسه حتى لو جاب لك شي صعب عادي تقدر تحله اقسم بالله الرجل هذا ودك تروح تلمسه تتاكد هو صدق ولا كيف حتى يوم تغلط في الاختبار يشوف حلك ويحاول يلقى لك اي طريقه يعطيك درجة اذا عنده لو شي واحد صح ويعطيك نص الدرجة
خذ عنده وانت مغمض الدكتور ممتاز بالدرجات ويحب الي يشارك معه والاهم من هذا كله تعاامل الدكتور واحترامه للطلاب مختلف تماما ماقد شفت دكتور بهالتعامل والاخلاق. ياحظكم فيه ياجامعة الملك سعود درسني بجامعة الامير سلطان arab203 ملاحظه درجتي انا المتسبب فيها والدكتور ساعدني كثير بعد
درست عند الدكتور مادة نحو ١ و ما شاء الله عليه كويس و حبيب و تعامله عال العال، نظامه 15 درجة ميد اول و 25 ميد ثاني و ٢٠ درجة بين واجبات و الحضور طبعا درستها عن بعد بسبب رمضان بعدين نزل قرار و صارت عن بعد طول الترم. اختباراته سهلة مايلة للمتوسط يعني يحتاج تركز فالمذاكرة جبت +B بس لو ركزت في الميدات كان يمدي A ولا +A بس مجملا الدكتور كويس يعطيك حقك و عنده ٥ درجات بونس للي يشارك معه و ما قصر بسط المادة بشكل كبير ، المشكلة الوحيده المحاضرات العلمية اللي تجي زيادة ياخذها ك تدريب ف ممكن تقروشك
رحم الله من رباك يادكتور علي , يجبرك تحترمة حرفياً , انا فالنحو 0 عالشمال لكن الدكتور ماقصر يشهد الله , متعاون جداً ويحب الي يشارك معه , الله يوفقك ويحفظك لن انساك يا افضل دكتور نحو :) .
الدكتور اسطوري اسطوري - تكاليف كثيره نوعاً ما - يتفهم التأخر - ركز على الشرح و اضمن لك A+ - المحاضره اذا توافق رمضان غالباً بتصير عن بعد حتى بعد رمضان الصراحه كانت مشكله بنسبه لي لأني ما اركز و الدكتور كان يشرح وهو فاتح الكام كان لخبطه فا الي انقظني بعد الله كانت قناه ( دكان نحو ) - الدكتور بيساعدك لو تكلمت لاني كنت ابي احول من تخصص الى تخصص وكنت احتاج اي درجه كلمته بعد الفاينل مباشره وكنت متوقع درجتي b او b+ قلت له اني طالب تحويل وكذ..... وعطاني A الله يجزاه خير و يوفقه
الدكتور ممتاز جداً بالتعامل والشرح يوصل لك المعلومة بشكل ممتاز ومايستقعد كثير بالتحضير واختباراته صعوبتها متوسطه اذا ركزت معه بتحل زين، واجباته كثير لكن اغلبها بسيطه وماتاخذ منك وقت.
يا ناااااسسسس الحقوااااا علييييييييهههههه دكتور اسطوره في كل شيييييءءءء يرحم اهلكم لحقوااااا عليييهههه