شرحها حلو وممتعه محاضراتها ، الماده معلوماتها كثيره فلازم تعتمدون على نفسكم بالمذاكرة ، والاختبارات موحده اول مد يخلونه صعب ثاني مد سهل كالعاده اذا شافوا درجاتنا سيئه عطونا اختبار سهل بس ليش حاطين الاول صعب من البدايه مادري ، بس الحمدلله والفاينل كان حلو ، الدكتوره تاخذ وتعطي مع البنات وإنسانه راقيه الله يسعدها .
الله يسعدها و يوفقها 💚
تجنن الله يوفقها ومتعاونه جدًا وشرحها حلو وترجع تعيد لنا النقاط الي نحتاجها عادي وتوضح لنا كل شيء بس انها تضيع وقت المحاضره بالسوالف بس ماضرنا خلصنا المنهج بوقته
الدكتورة عسل عسل وتهبل تهبل صدق يعني مره متعاونه وتساعدنا ، بخصوص شرحها ف اهي تشرح احيانًا بتفاصيل شوي وتقول تعاليل ف سجلو معاها لان تعاليلها تجي ، الميد كان اهي تكتبه والفاينل موحد ، الميد فعلا كان كله من اشياء نبهت عليهم ف ركزوا معاها كووووويسسس بخصوص طريقة اسئلتها ف تراها ممكن تحط لكم مقالي بس ما تهتم بالسبيلنق كثير
انا خريجة ٢٠٢١ لكن بصراحة شرحها جدًا سيء لدرجة احيان تغلط بالمصطلح العلمي ما تقوله زين ، تعاملها عادي و تصحيها غريب احيان تحسين هي نفسها مو فاهمة وش تبغى بالنسبة للدرجات تجيبين معها درجات بسهولة الصدق خصوصًا لو كانت لوحدها بالمادة ، عن نفسي ما حبيت المواد معها نهائي الصراحة اضطريت لها لاني خطة قديمة و كان اخر ترمين ضغط جدًا ، لكن كمادة و معلومات مرة لا ، التحضير عادي تحضر دايم بس موب ذاك الأهمية عندها خصوصا اذا عندك ظرف و قلتي لها قبل.
مشاعري متضاربه مع الدكتوره🤣 هي ماتعرف تشرح شوي او بالاصح تقرا السلايدات ، اختباراتها حليوه ، لكن تساعد بالدرجات ومهتمه بدرجاتنا ف هذا يشفع لها الصراحه وتعاملها يجنننن تحسينها ام حنونه❤️
اعطيتها بالشرح كامل لأني أنا ما كنت أركز معها و لا كنت أذاكر أول بأول ، حقيقي لمّا جيت اذاكر و أرجع أقرأ ملاحظتي معها كنت أحس أني ظالمتها بتصوري أن المشكلة منها فقط مو مني، التعامل يا جماعة ما أحكيلكم أم حنون ممكن وصف دقيق صدق تعطي من قلبها محترمه الف حتى بالأمور اللي ممكن الغالب يزعل منها ما تزعل
نجي للدرجات صراحه متعاونه جدًا لو لك حق تساعد جدًا و اعطونا بونس و لكن تبدو لي أن وجهة نظرها أن البونس ما يكثر مره و لكن تراها تقتنع و تحاول و تساعد و حتى تقنع اللي معها، التحضير صراحة لو تأخرتي ما تدقر لك و لكن الوضع مو سبهلله يعني تشوف و تحضر و لكن اذا تأخرتي و كذا متعاونه جدًا