تكاليف قليلة و سهلة و مفيدة
تكاليف قليلة و سهلة و مفيدة
الدكتور ونعم بكل شيء الا بأختباره. مستحيل تلقى انسان حبيب ولطيف واخلاق وفوقها تكاليفه بسيطة ومحاضراته خفيفة مثله. لكن بالرغم من هذا، اختباره 16 سؤال صح وخطأ وكل سؤال بدرجتين! يعني اذا غلطت بسؤالين طار عليك قريد الا. وغير اختباره، لو تحب السماء ما عطاك بونص! اخوياي بشعب ثانية كلهم A+ بفضل الله ثم فضل دكاترتهم. بالمختصر اذا تبي دكتور تنسى المادة معه لا محاضرات ولا تكاليف خله خيارك الاول، اذا تبي درجات شف لك دكتور ثاني وبالتوفيق لكم جميعًا
نزلت عنده بسبب تقييمه المرتفع، ولكن بتكلم عن تجربتي اول حاجه الميد كان ١٦ سؤال كلها صح وخطأ والسؤال بدرجتين!! ويجيك سؤالين فيها لف ودوران وغير واضحه. التكليف بسيط جدًا والدكتور مرن في التحضير لكن الميد صراحه كان صدمه وللمعلوميه لا يوجد بونص الكلام الي في التقييم غير صحيح
اختباره كان سهل الميد لكن الغلط بدرجتين يعين غلطين ودع A+ ما يدف ما يذل ما يدف سألنها عن الغياب قال لاتشيلون هم بعدين ارسل لسته المحرومين محاضراته خفيفه ٣٠ دقيقه وهو مخلص وبعض الحاضرات يخليها ذاتي.
اختباره صعب ويحرم وصعب التواصل ولا يعطي بونص
لا تصدقون الي هنا نصهم يطبلون الواحد ما يدور بالسلم الا دكتور يدف او اختباراته زينه هذا اختباراته ١٦ سؤال صح و خطأ و السؤال بدرجتين يعني سؤالين بقريد !! كنت غلطان في سؤال واحد و غيرت ٣ اسئلة و انخسفت الاختبار كان متوسط ما اقول صعبه بس موب معقول السؤال بدرجتين و ما دف ولا احد درجة وحده كل الشعبه انخسفت بالميد صراحتًا فيه غيره افضل ولا افضل الخيار هذا بس انا نزلت عنه شدها اسئله زي التجميعات بس يلف و يدور
ممتاز فالتحضير وأختباراته ممتازة للي مذاكر وعنده حركة مشهورة يخلي الاجابات زي بعض يعني عادي تشوف ٧ أسئلة إجاباتها صح ورا بعض بعدين ٨ أسئلة إجابتها خطأ وكذا
الدكتور كويس الصراحة اسلوبه كويس مع طلابه واغلبية محاضراته ذاتية وما تحتاج حضور وما عطانا تكاليف وعلى البونص ما اتوقع انه دفني واذا دفني ممكن قريد وما يتعبك بمادته واختباراته سهلة الصراحة لكن نظام الميد مب مرة لانه ١٦ سؤال والسؤال عليه درجتين ولكن بالمجمل دكتور جيد
دكتور كويس اغلب محاضراته ذاتية ولكن ما يدف وعنده ميد واحد من ٣٢ درجة والسؤال بدرجتين الصراحة النظام مو كويس واذا جبت ٣ اغلاط طار قريد وهذا اللي صار معي ولكن عوضت بالفاينل وما يعطي تكاليف