حنين الحولي

كلمة حق الدكتوره ممتازه جدًا، بعض البنات مايحبونها اسلوبها مايعجبهم لكن والله ماقد شفتها تغلط على بنت بالعكس دائما محترمه ورسميه وتفهمك بافضل الطرق تخليك ماتنسين. ملفاتها رهيبه مره وتساعدكم كثير وحتى بحل التتوريال تركز وتهتم لانه يفيدكم جدا باختصار الي تركز معاها وتحل كويس بتضمن قريد ممتاز باذن الله. وصح حتى كانت قبل الميد والفاينل تفتح مراجعه تشوف اذا اي احد يحتاج مساعده او مافهم شي

دكتوره اسطوريه بالشرح ومرنه جدا. لانها كانت حامل كانت تعتذر كثير ولا تغيبنا بس ما ادري الحين اذا لسا كذا. هي تشرح كانك فاهمه بس لان الماده اساسا سهله وتعتمد على خلفيتك في رياضيات الثانوي. كانت الوحيده الي تخلينا نشارك منجد في المحاضره وتصحح. بس هذا الشي ما ضايقني صدق بنات والله بيفيدكم. انا بس اركز بالشرح واحل واضمن اني ما انسى الطريقه. وصرت ما احتاج اراجع الماده الا كل كم اسبوع مره. فعجبتني طريقتها وبالنهايه ما اعتقد احد نقص في المشاركه لا تخافون هي بس تبيكم تبينون اهتمامكم ومحاولتكم في الفهم

درست عندها وهي حامل وكانت تشمق وتخلينا نصف طابور نشارك وفوقها اذا حلك صح بس فيه شيء بسيط غلط تحقق معك وترجعك ماتعطيك مشاركه عقدتنا مرررررره

كابوس درستني وهي حامل وكانت نفسيتها بخشمها فعلياً كانت عباره عن طاقه سلبيه ماقدرت اتقبل الماده منها واسلوبها كان سيء صراحه ، وللامانه الشرح لو بتركزين بتفهمين

شرحها كويس وسريعة بس الاسلوب سيء سيء، صارت المحاضرة الاثقل لان اسلوبها قبيح وطاقه سلبيه. بس ميزتها الملفات الي تسويها وترسلها جدا مفيده وماتحتاجين لملازم فقط تجميعات

مستحيل اخذ عندها مره ثانية

كنت خايفه منها مره بالبدايه بس طلعت عسل الله يسعدها يارب

من أفضل الدكتورات الي درسوني ريض ، حاليا متخصصه لي سنه ، وبعد الله ثم تدريسها للحين ما انسى شكثر اني شاكره لها ، اذا جتكم لا ترتاعون ، بالبداية بتحسون انها شايفه نفسها ، بس تراها انسانه اخلاق اخلاق تبارك ربي وما تقصر اذا رحتي مكتبها وما تستثقلك ، وملخصاتها هو اكثر شيء يميزها وتشرح وتحل معكم فيه حرفيا تغنيك عن تعب الكتابة وتتأكدين من حلولك معها وشرحها بالبداية بتستغربون وراها سريعه ، بس لما تقرون ملخصاتها بتفهمون كل شيء.

راجعه بعد سنتين أقيمها، كلاسها هاااادي جدًا، وشرحها برضو بس كان يعجبني مررررة واطلع وأنا فاهمه، وبرضو كانت ترسل لنا كتابها فيه الحل بالتفصيل وكان مرة يفيدنا، وبالمحاضرة كانت تعطينا تمرين نحله وتصححه لنا وتحاول تشوف اغلب الحلول وبعدها تطلع احد على السبورة يحله ( مو شي ينشال همه لا تخافون لان ما اذكر إنها تجبر احد يحل ) وبعد اذكر أنها سوت كلاس مراجعه قبل الميد، بالمختصر ياااا حظ اللي بتنزل له

الصراحه الشرح ما كنت افهم عليه تشرح وكاننا فاهمين والتعامل مره مو كويس واذا سالتي تجاوب بدون نفس وتكرهك انك سالتي والاختبارات مالها يد فيها