بدايةً من ناحية التكاليف صح كثيرة لكن مقدور عليها وبعض المحاضرات تعطي أوراق عمل، محاضرتنا ساعتين تاخذ نص الوقت، أخلاقها واسلوبها لا يُعلى عليها تبارك الرحمن بالنسبة للشرح تمر على كل كلمة وتعطيكم أمثلة، ركزوا معها ولاتستغنوا عن تجميعاتها وفالكم التوفيق
الله يسعدها سهلت علينا الماده اختباراتها سهله و اغلب الاسئله من تجميعاتها
مرنة في الحضور و لانصراف
الله يوفقها ويسعدها درست معاها احكام اسرة واعطيها ١٠/١٠
تجنن اول ترم في قانون خذيت معها مره متعاونه ونناقش معها عادي في قضايا وتبحث معنا الى نلقى الاجابة اكيده احب دكتوره تنمي عندنا مهارات
اختبارات و تكاليف معقولة
تهبل حبيبة جدًا جعلها بالجنة يارب ووالدينها ومن تحب
الله يسعدها وييسر امرها سهله ومرنه بالتعامل تتفهم وتسهل لنا كثير طلبناها تحذف جزئيه الميد وحذفتها الميد كان نوعا ما سهل التكاليف ممتعه وقانونيه غالبا وماتنقص فيها الفاينل كان شوي مقالي بس مشت كثيير ومتاكده انها سوت لي اب قريد عيبها الوحيد محاضرتها طويله وتزيد كلام خارجي كثير ومايجي منه شيء بالاختبارات
تكاليف تمشي فيها بس مرجع المادة سيييي جدا وصعب مره الميد يعتبر وسط لسهل الفاينل كان شوي فيه لفه بس سوت اب قريد ما ارجع اخذ عندها لو فيه افضل
عسل عسل عسسسللل، تهبل يابنات لاتبعدون عنها صح تعطي معلومات خارج الكتاب بس عادي المعلومات خفيفة وبسيطة. تكاليفها سهلة وممتعة بصراحة والاغلب اذا مو الكل خذ فل مارك عندها ١٠ درجات اتوقع على اوراق عمل بعد ماتخلص المحاضرة تحلينها انتي وبنت ثانية، بس عادي سهلة، واذا ما حضرتي المحاضرة اللي فيها اوراق العمل تحدد يوم اخر الترم تجين تحلينها❤️ ياااححظ اللي ينزل له عندها ماشاءالله