مستحيل اخذ عندها مره ثانية
المادة كانت اختياري بس مره كان يبي لها جهد ولكن معها المادة صارت سهلة وبسيطة وهي ماقصرت ابداً كل اختباراتها كانت واضحة وتعطي فل بالمشروع ومرنة جداً بالحضور والانصراف، اعيد التجربة معها بأي مادة لانها صدق تستاااهل نزلوا عندها وانتوا مغمضين🫶🏻🫶🏻🫶🏻الله يسعدها
اجمل دكتورة ممكن تمر عليك، تطلع لك درجات من تحت الارض ومتعاونة ونفسيتها حلوة، ما قصرت معانا أبدًا وشهادتي فيها مجروحة♥️
الدكتوره رائعه ، تجبرك تحترمينها ، نزلت الماده ك اختياري وما ندمت ابد ، الماده شوي ثقيله لكن الدكتوره سهلتها مره لنا ، الله يسعدها يارب عسل عسل بشكل لا يوصف
ما يحتاج اتكلم عنها ملكة الاقتصاد متعاونة مررررة مرة وتسوي مراجعات قبل الاختبار وتسجل محاضراتها وتنزلها تلجرام ، وتسوي محاضرات اضافية اذا حست اننا ما فهمنا جزئية احبها من ناحية تربيط المعلومة وتحاول قد ما تقدر انها تبسطها لك و سوالفها بنص الكلاس رهيبة ما تطلع عن موضوع المحاضرة ابد بس تسولف لك بنفس محتوى المحاضرة وتعطيك امثلة واقعية عشان تثبت بمخك تجنن مرة عسل ، فيه بعض النقاط ما كنت افهمها معها بس يمكن لأن اخذت الاقتصاد ثلاث ساعات متواصلة ف مجهد شوي
تحاول تساعد الكل وتعطي بونص وانزل عندها بالراحة لكن في ماده التحليل تحتاج مصدر ثاني للفهم ممكن تناقشينها بالدرجات تفهم وتعدل لكن كانت تمشي على نموذج تصحيح موحد
تحتاج مصدر ثاني لفهم المدة
ايش اقول وايش اخلي افضل دكتورة مرت علي وليتني نزلت عندها كل مواد الاقتصاد عسل عسل حببتني بالمادة كنت اذاكر بكل حب حاربو عشان تنزلون عندها كفايه انها تنزل شرح مسجل وتحل تمارين لكل التشابترز لشعبتها ما احتجت اي مصدر ثاني للحين اتذكر شرحها لو تسألينها بأي وقت ترد الحضور لاتشيلون همه لو تجين قبل ينتهي الكلاس بدقيقه تهلي وترحب فيك الله يسعدها دنيا واخره تدف بس ممكن درجه لاكن لو شفتو شرحها المسجل ومريتو على التجميعات ما بتحتاجون ولا درجة
كنت مع دكتورة ثانيه وغيروها والحمدلله انها غيروها قسم بالله عسل تحضر لكنها مايهمها الحضور تحب اللي يشارك وتحفظهم اكيد لكنها غير متحيزه ابدا متعاونه مره بالواجبات والمشاريع تعطي كامل ولكنها تعلق تلغي محاضراتها لما يكون عندنا ميد بعد المحاضره جدا متعاونه شرحها جميل مره وسلايداتها تغني عن اي سلايدات ثانيه وايضا التمارين والمراجعات اللي تسويها جدا تسهل علينا
التقييم بدون تعليق