امجاد الراضي

افضل دكتوره طحت فيها ، يالله طيبة القلب ! الاسلوب الخيالي، الشرح الوافي، الابتسامة ما تفارق وجهها، صدق الشخص الصح بالمكان الصح، ما في اي كلمه ممكن توفي بحقها! المشكله الوحيده اختباراتها جدًا جدًا عميقه يعني لازم تفهمين المنهج صح عشان تجيبين قريد الكويز و الميد كانت الاسئله متشعبه بس اعيد وانزل عندها الف مره شرحها لا يعلى عليه، والحضور والانصراف مهم عندها

الله يسعدك ويوفقك دنيا واخره كانك تقرين الكلام من الناس اللي تسهل وتيسر عالمسلمين

الله يسعدها احلى وحده بس انتبهو لشرحهها

اذا فهمتي معها وقت الشرح بتمشين باختباراتها الفهم اهم من الحفظ ويسره الله ييسر لها جميع امورها ويسعدها ويسخرلها اخذت معها مبادئ واناليسز وكل تجربة افضل من الثانية .. *حببتني بالتخصص قبل لا ادخله*

الله يسعدها ويوفقها يارب بالبدايه كنت خايفه منها وشايله هم بس صار لي ظرف وهي الدكتوره الرحيده اللي تفهمت وساعدتني وتعاونت معي🥹❤️ لطيفة جداً ومحترمه واسلوبها عسل دايم ادعي لها اختباراتها يبيلها تركيز ولازم تدرسين كويس ومتعاونه لو مافهمتي تشرح لك الى ان تفهمين نزلو عندها وانتم متطمنين

الله يسعدها دنيا واخره

اذا ركزتي بتحلين زين في الاختبار

كامله والكامل ربي انسانه راقيه مستحيل تظلم احد مب زي غيرها كانت تذكرنا بذكر ربي الله يفتحها بوجهها وبس ما اقدر الا اني ادعي لها بكل خبر

حرفيًا ألطف دكتوره بالجامعه ، مره عسل واخلااااق الله يسعدها يارب شرحها ممتااز مرررره تفهم ، اختباراتها نوعًا ما سهله لكن غالب اسئلتها فهم اذا فهمتي معاها وركزتي بالشرح أضمن لك الدرجه ، البروجكت كان سهل تعطي عليه ملاحظات عشان نعدل و ما ننقص ، كلاس اللاب خفيف مره مجرد تمارين بسيطه بس يهمها الحضور فيه عشان الحل والمشاركات

انسانه من كثر الرقي اللي فيها تخليك تتعجبين بشكل ! معقول فيه انسانه راقيه اسلوبا وتعامل لهالدرجه ؟ لا والله العظيم اني ماصادفت احد كذا دكتوره لطيفه بكل ماتعنيه الكلمه كانها غيمه من رقتها🤍 عسى ربي يسعدها ويرزقها ويشرح صدرها وين ماتروح أحن قلب الله يسهل دربها ويحقق مرادها