اذا كان دكتورك حسن فبتشوف افضل واحد بيشرح العملي بأبسط طريقة واضمن لك الفل في التقارير بس يبيلك تذاكر فاينل العملي كويس وبتجيب الفل معاه
والله افضل دكتور عملي درست معه بحياتي، التجربة ماتاخذ اكثر من ٢٠ دقيقة بالكثير وسمح بتوقيت التسليم مو لازم نفس وقت المحاضرة ويتعاون بالتصحيح وتعامله رائع ووسيع صدر، العملي عموما تجاربه سهله وبالفاينل اسهل لان ماراح يجيك شي مادرسته، مايدف بالفاينل لكن فدا راسه
الدكتور رهيب واخلاق عاليه، درجات التقرير اعتبرها فل من اول الترم،الفاينل عادي في نص الاختبار يسألك وش سويت بس لاتشيل هم ماراح يبالغ في التدقيق و درجات الفاينل إذا ماجبت فل ماراح تجيب العيد
جدًا رهيب، يدقق بالتقارير ولكن من مصلحتك عشان الفاينل ولكن بالاخير عطى الاغلب اذا مو الكل فل، وتعامله جدًا مرن من عدة نواحي ويتفهم، الصراحة لا يعلى عليه بالعملي
اذا نزل لك الدكتور هذا بالعملي فانت محظوظ … اسلوب ممتاز وشرح ممتاز جدا وفيزياء العملي الشرح اهم اهم شي …. التقارير عطانا كلنا ١٠ من ١٠ لكن عيبه للاسف انه باختبار الفاينل العملي ما يدفك ولو نص درجه بعد اذا خلصتو التجربه طبعا تمشون دكتور عسل ومحترم ….
الدكتور محترم جدًا وحبيب وفاهم وش قاعد يسوي والتحضير عنده كويس، ولكنه يشدها حبة في الفاينل ويجي عندك ويقول ورني كيف تسوي التجربة عشان يضمن انك مب حافظ التقرير. (على حد علمي هو الوحيد اللي يسويها)
اذا صادفت ونزل لك هذا الدكتور في العملي ف اضمن فل بالراحة من ناحية التقارير حتى لو تخطي بيحاول يمشيها لك ويدفك فيها عطانا كلنا فيها فل الله يسعده الدكتور هذا في قمة الاخلاق وشرحه ممتاز ومتعاون جداً ويرد على كل الاسئلة في الايميل اذا نزل لك الدكتور ف احمد ربك وبتضمن ال٣٠ درجه في العملي 🙏🏻🐐👆🏻