الجوهرة الحربي

يمه والتعامل ي ناس اقسم بالله افضل تعامل في الكلية 😔 اخلاق كلاس خفيف يخلص بسرعه ما تهتم لحضورك بكيفك الفاينل حقها مويه مستحيل الا وتجيبين فل مارك من الحين اقوله ممكن الميد كان فيه سؤال صعب يخسف شوي ما تجيبه دايم بس بشكل عام كل شي سهل مويه صدق بس ركزوا ع مجموعكم في الميد والكويزات لان الفاينل فل مارك في الجيب ما اذكرت الا قبل الاختبار بكم ساعه وجبت كامل في الفاينل. الله يسعدها وليتني رفعت مجموعي في الميدات لان كنت ٥٢ وجبت B+ في ادبيه اما الطبيه A وكلهم اعتبر ما نقصت الا درجه درجتين في الفاينل

احلى دكتوره 🤍🤍🤍🤍 الله يسهل عليها زي ماتسهل علينا المواد نزلوا عندها بدون تفكييير

وش اقول وش اخلي عن دكتورة الجوهرة ، الله ييسر لها ويوفقها ويسعدها ماقصرت معنا طول الترم متعاونه بكل شي حرفياً ، اختباراتها سهله ومفهومه جداً ، ماتوقعت اجيب درجه حلوه كذا الله يوفقها يارب

من اححححلى الدكتورات الي درسوني بحياتي تسهل لك كل شيء الي مزعلني بس ان الخطه ماكانت واضحه وماندري ايش راح نسوي بكل كلاس والميد كان فيه سؤال اختياري مافهمت ايش المطلوب منه ضيع وقتنا بصراحه ومحد جاب درجه كامله بس كويس انها غيرت نوع السؤال بالفاينل وخلته اسهل الحمدلله، دكتوره طيبه وعسل بشكل عام بس ماتسوي ابقريد

تهبل تحرجك من كثر ماهي لطيفة وذوق بس مشكلتها ماعندها خطة واضحة مرنة بزيادة تدخلين الكلاس وانتي ماتدرين وش بتسوين بالضبط، لكن متأكدة انها بالاخير زادتنا درجات من عندها

خذي عندها وانتي مغمضة

بسم الله عليها افضل دكتورة مرت علي بمواد الترجمة متعاونة وتسوي اب قريد وتهتم بدرجاتك اكثر منك تصحيحها مره حلو وتمشي كثيير

عسل الله يوفقها يارب استمتع في محاضراتها بسبب معلوماتها وثقافتها وكيف مره سهل توصل لك المعلومه وتنشبها في عقلك حلمي انها تكون مبسوطه دايما وان حياتها تتيسر مثل مايسرت علي خذت عندها قبل مدري كم لاول مره وللحين اهوجس فيها ودي انزل كل شي تدرسه قسم بالله

هذي الدكتوره فوق التقييم صراحه من افضل الدكتورات بالجامعه من جميييع النواحي.

أخللااااااااااااااقققق الله يسعدها ويسره مرة تهون عليك كل شي يا حلوها الله ييسرها كل امورها، حاولوا تحضرون قبلها لانها ما تحب التأخير ابد واختباراتها حلوة واغلب وقت المحاضرة سواليف واخذ وعطا وتحفظ اسمك وتحاول بكل جهدها تعطينا درجات كاملة الله يكثر من أمثالها🤍