شرحها جدا عادي مرنه بالحضور وما تأخذ اكثر من وقت المحاضره غالبا نصف المحاضره بشوشه بالمحاضره بس ما تزيدك ولا درجه عن حقك اختباراتها يبي لها تركيز جدا جدا
دكتورة أمل القرعاوي الكلام مره قليل بحقها تبارك الرحمن علم وأخلاق وبشاشة ولباقة ومرونة الله يسخر لها ويعطيها حتى يرضيها 🤍 لا تترددون تاخذون معها، أعمال السنة ماتقصر تكرمك وواجبتها قليلة وسهلة، لكن درجة الاختبار ما تعدل عليها واختبارها لازم مذاكرة بفهم وتركيز عالي، محاضراتها مرتبة، تشرح زين وما تاخذ أكثر من وقت المحاضرة أبد
عاديه مره، شرحها عادي قراءه بس مو مشكله الماده مامعك الا قوة حفظ، اختباراتها تميل للصعوبه، التحضير ماقد لاحظت انها تدقق عليه، الدرجات ماتزود ابداً ابداً ، يعني بشكل عام عاديه
اخذت عندها نبت صراحه شرحها عادي اصلا الماده سهله تحتاج حفظ بس بس مره مره مره عسل وهاديه وبشوشه ويسره بالتعامل وتاخذ اقل من وقت المحاضره دايم وما تشيلين هم التحضير عندها ابد بس مافيه بونس ولا تحدد فضروري تتواصلون مع شعبه العيال عشان الدكاتره الرجال دايم يحددون
تكاليف قليلة و سهلة و مفيدة
الله يسعدها يارب خفيفة نفس وفيها قبول وذكية جدًا ولطيفة جدًا وعندها ذكاااء اجتماعي عالي لكن بالنسبة لي الاختبارات كانت مو مره سهلة لكنها واضحة مرنة بالواجبات والحضور
اذا ركزتي بتحلين زين في الاختبار
ما تهتم للحضور والتاخير نهائيا. تاخذ من وقت الكلاس من ١٥-٣٠ دقيقه فقط. ما تعطي بونس ولا تحدد. الاختبار كان عادي. تعاملها ممتاز ومحترمه. نزلو عندها بدون تفكير.
تهبل لطيفه جدا تعاملهاااا حلوووو مره الله يوفقها دنيا واخره
ميزتها الحضور لو تجين اخر ٥د عادي تحضرك شرحها حلو لكن الماده سهله فا ما تحتاج شرح كثير ومره عسل بالواجبات والمشاركة وعطتنا كامل فيهم بالنسبه للاختبار بالميد مره ساعدتنا قبل الاختبار وعطتنا فكره كيف بيكون لكن بالفاينل ابد ما ساعدت ولا عطتنا فكره لكن ما قصرت بشرح الدروس ورفضت رفض قاطع تعطي بونس بختصار دكتوره ما تقصر بالشرح وتسوي اللي عليها لكن ما تزيدك اي ربع انتي ما جبتيه بجهدك وهالكلام استثني فيه (الواجبات والمشاركة) عطتنا حقنا واكثر وحتى اللي حلولهم غلط عطتهم الدرجة