التقييم بدون تعليق
بيعطيكم سالفه كيف جاب اعلى درجه عند الدكتور الى كان يجيب الاسئله من بين السطور وبيدقق ع الخريطه الذهنيه ويحسكك انك ترسم الموناليزا مب خريطه ذهنيه وممكن يجي لين الكلاس يقول مافيه كلاس اطلعو يجلطك لكن الله حق كان مرن بالحضور لو تجي اخر 10 دقايق عطاك حضور لكن الدرجات كان يسوي حركات مب كيوت ابد
اذا ركزت بتحل زين في الاختبار
محاضرة طويلة و ثقيلة
من افضل الدكاتره في التحضيري اذا جاك الدكتور ذا اعرف ان قبيلتك كلهم داعين لك الدكتور اذا ركزت معه بتستفيد ب امورك الحياتيه و الاكاديمية اعسل دكتور بالتحضيري بس لازم تركز معه ولا تسولف والتكاليف متساهل فيها
دكتور شرح متوسط يتفلسف ويقول قصص قد صارت له ويضرب امثله من الدروس على الواقع يعطيك تقسيم الدرجات مع بداية الترم وعنده تكليفين خريطه ذهنيه ونسيت وشي الثانيه بس سهل تسويها بس احضر وركز معه وشارك وخلك متفاعل معه علشان ما ينقصك ب المشاركه وعنده برزنتيشن يقسم الشعبه على كل اسوبع خلك بالنص لا اخر شي ولا اول شي وبالتوفيق
الدكتور ممتاز من شرح وتعامل ومحاضرة خفيفه جدًا مرن بالتحضير لو تجي اخر المحاضره حضرك عيبه الصراحه في التكاليف عادي يخليك تعيد التكليف ٦ مرات لين يعجبه ( صارت معي ) مجملاً دكتور ممتاز
اذا عرفت انه دكتورك اسجد شكر يومياً قبل وبعد محاضرته اقسم بالله دكتور محترم ويفهمك بشكل مو طبيعي ويتفهم الدرجات ويعطيك حقك ورجال بمعنى الكلمة الله يوفقه يارب
مادة سهلة جدا وتماديت شوي واخذت A وندمت ليتني شديت حيلي لانها سهلة جدا عليها ثلاث ساعات والدكتور ذا عسل بس المحاضرة طويلة وشوي مملة بس بتفهم غصب ويخلي الطلاب يشاركون ويصير فيه تفاعل في القاعة
اذا جاك دكتور للنهج في التحضيري انبسط واستانس لانه افضل دكتور بيمرك عليك، يتفهم التاخير ويحسب حساب الطلاب ويذكر دايم بالتكاليف البسيطة ويحرص ينقص درجة عنده الله يسعده ويوفقه وين ماراح❤️❤️